Formol Laborategiak eta Susa Argitaletxeak Heriotzak Eduardo du izena poesia ez-errezitaldia aurkezten dute. Mundu Poesia Kaierak poesia liburu bildumak 10 urte betetzen dituen honetan, Susako lagunek bizirik dauden poetak hil nahi zituztela esan zieten Formoldarrei. Haiek metaforikoki esan omen zuten, baina Formolekoek lana serio hartu dute.
Mezu bat heldu da kontrolera.
Poema bat dela uste dugu.
Kanpoan itsaso zuria eta Eduardo
Besteri ez dira geratzen.
Suntsipen orokorra.
Barruko iluntasunean
Egin dezakegun gauza bakarra
Izarrak izatera jolastea da.
Argi txikiak gara, pauso ahalketiz.
Agurrak, poesia eta musikita.
Munduko Poesia Kaierak bildumaren 10. Urteurrena ospatzeko Formol Laborategiaren poesia ez-errezitaldia. Biziei ere omen.

Formol Laborategia 2019an eratu zen Intza Alkain, Edurne Azkarate eta Mikel Ibargurenen eskutik euskal eszena garaikidean parte hartzeko asmoz. Hasieratik euskal kulturgintzarekiko zuten erantzunkizunari heltzea, sortzaileen arteko saretzea sustatzea, publiko berria sortzea eta poetika eta estetika berrien bila ikerketa eszenikoan aritzea izan dira taldearen helburuak. Laborategi moduan lan eginez, sorkuntza kolektiboa dute oinarri. Antzerki posdramatikoaren esparruan dihardute, kode performatiboak landuz, zuzeneko gertakariaren ideia esploratuz eta narratiba klasikoetatik haratago ibiliaz, besteak beste. Eszenaratze berri baten bilaketan, iruditegi oniriko, teknologiko eta kisch-ak uztartzen dituzte, pop kultura eta punkaren eraginpean. Ikus-entzunezkoen eta dramaturgia ez-narratiboen erabilpena gailentzen da beren sorkuntzetan.

• Zuzendaritza: Formol Laborategia, Oier Guillan, Javier Barandiaran
• Dramaturgia: Formol Laborategia, “Biziei ere omen” MPK
• Antzezleak: Intza Alkain, Mikel Ibarguren, Edurne Azkarate
• Off Ahotsak: Bea Egizabal, Intza Alkain, Mikel Ibarguren
• Diseinu grafikoa: Janire Arroyo
• Argazkiak: Iker Gozategi
• Ekoizpena eta banaketa: Formol Laborategia, Susa Argitaletxea