NÉE lana hunkigarria da. Gizakia errotzen du, bakardadea laztantzen du, galera geruzatzen du, desilusioari lagun egiten dio, desengainua emantzipatzen du, absentzia indarberritzen du, maitasunaren alde borrokatzen du, hurbila dena birtualizatzen du, magiari eusten dio, demonioak uxatzen ditu, bizigabea humanizatzen du, iluntasunetik itzultzen da, irudimena astintzen du, beldurrak bereizten eta ordenatzen ditu, airea zeharkatzen du, ahalegina egiten du. Dotoreziaz, zaratatik urrundutako bidaia bat eraikitzen du. Lehen pertsonan kontatua, hausnartua, eta eraldatzailea.

Cielo RasO dantza konpainia Igor Calonge dantzari eta koreografoak sortu zuen 2010ean, Euskal Herrian, bere identitatea adierazpen kultural eta artistikoan ondo errotuta daukan herrialde honetan. Identitate hori, eta hura garaikidetasunerantz eraldatzea dira Cielo RasOren lanaren oinarriak; baina, horiez gain, tradizioaz, gorputzaren indarraz, erresistentziaz, borroka primitiboaz, sinbologiaz eta poetikaz baliatzen da, lengoaia fisiko berri eta arriskatua lortzen saiatzeko.

• Zuzendaritza eta antzezlea: Igor Calonge
• Zuzendaritza laguntzailea: Gabriel F.
• Koreografia laguntzailea: David Candela
• Argien diseinua: Sergio García
• Jantziak: Xabier Mujika
• Eszenografia: Igor Calonge
• Ekoizpena eta banaketa: Beatriz Churruca