-
BLV – ART-ek arte bizien, antzerki fisikoaren, antzerki absurduaren, antzerki parte-hartzailearen eta instalazio artistikoen proposamenak programatu ditu.
-
-
Proposamen gehienak Bilbon ikusi ahal izango dira lehen aldiz, eta euskal konpainia guztietatik datoz, horietako asko auzoan bizi direnak.
-
-
Horrez gain, Jaialdiak Ainhoa Resano artistaren formatu handiko argazkiekin osatutako instalazio bat aurkeztuko du “ELLAS; guardianas de la ría” izenburupean. Auzoko hainbat emakumek emandako irudiak beste aldeko hainbat tokitatik ikusi ahal izango dira, eta QR kode batzuek soinu piezak eskeiniko dituzte, argazkietan agertzen diren emakumeen bizipenak entzuteko.
-
-
Jarduera guztiak doakoak izango dira lekua bete arte, Bilborock Aretoko emanaldiak izan ezik, hauek bost euroko prezioa izango dute.
-
(Bilbao, 2023ko apirilaren 3an).- Bilboko Udalak BLV – ART Jaialdiaren XVII. edizioa abian jarriko du apirilaren 20tik 29ra, Bilbo Zaharreko hainbat guneetan arte sorkuntzako formatu berriak erakusteko. Auzoa, aurten ere, kulturaren epizentro eta proposamen eszeniko berritzaileenez gozatzeko prest daude pertsona guztien topagune bihurtuko da.
Gaur goizean, Gonzalo Olabarriak, Kultura eta Gobernantza zinegotizak eta Alicia Otxandategik, BLV-ARTeko zuzendari eta udal kultur programatzialeak parte hartu duten prentsaurrekoan aurkeztu da programa osoa.
BLV – ART 2007an sortu zen, “Bilbao Zaharra, Kulturarako zubia” Udalaren kultura-estrategiaren barruan kultura-programa aitzindaria izan zela, auzoaren inguruko kultura-jardueren programa zabal bat abian jartzeko helburuarekin. Ekimen honen bidez, auzoari balioa eman nahi zaio, eta bide batez, Bilboko biztanle guztien begietara erakargarri bihurtu kulturaren bidez. Urteak igaro ahala, BLV – ARTen bitartez, Bilbo Zaharrean arte proposamen berritzaileenak aurkeztu dira bere diziplina guztietan, eta, horrela, kulturaren bidez, bilbotarrei eta bisitariei auzoaren interés kultural zabala ezagutaraztea lortu da.
Edizio berri honetan, publikoak arte bizietako, antzerki fisikoko, antzerki absurduko, antzerki parte-hartzaileko, dantzako eta instalazio artistikoetako proposamenez gozatu ahal izango du eta gune hauetan ikusi ahal izango dira: San Frantziskoko Udaltegia, Bilborock Aretoa, Berreginen Museoa, Hibernando Estudioa, Okela Sormen Laborategia eta Bilbi Hotela.
12 proposamen izango dira, gehienak lehen aldiz Bilbon ikusi ahal izango dira, eta horien artean nabarmentzekoak dira Kafuné Kolektiboaren “Nire irudia zure haragian” lanaren estreinaldia (larunbata, apirilak 29, 19:00etan Berreginen Museoan) eta Almudena Perezen “Utraviolet” pieza laburraren estreinaldia (larunbata, apirilak 22, 19:00etan Berreginen Museoan).
Horrez gain, Ainhoa Resano artistaren eskutik datorren proposamen berezi bat nabarmendu behar da: “Ellas”. 2016. urtetik gertatzen ari den argazki- eta memoria- proiektua da hau, emakumeen historia erakutsi nahi du etxeko argazkien eta bere kontakizunen bidez. Oraingoan, itsasadarraren inguruetan ikusi ahal izango da, Marzana kaiaren parean, “ELLAS: las guardianas de la Ría” izenburupean. Proiektu hori Uretamendi, Ingurabidea eta Betolaza auzoetan garatu zen ere, Emakumeen Nazioarteko Egunean, Udalaren eskutik.
BLV-ART abangoardiako adierazpide artistikoekin lotuta dago, eta Udalak Bilbo Zaharra, San Frantzisko eta Zabala auzoetan garatzen dituen Plan Bereziekin bat egiten du, auzokideen bizi-kalitatea bermatzeko, bai auzoen dinamizazio sozialean ere.
Udalak kulturaren aldeko apustua egiten du, hiriko hainbat gune birgaitzeko elementu bezala.
SARRERAK ETA ERRESERBAK
Jarduera guztiak doakoak izango dira lekua bete arte, Bilborock Aretoko emanaldiak izan ezik
-
Bilborockeko iksukizunetarako sarrerak esteka honetan lortu daitezke, edo bestela leihatilan salgai egongo dira emanaldia hasi baino 30 minutu lehenagotik, bost euroen truke.
-
-
Hotel Bilbin egingo den Oracle Motelerako pasea lortzeko, izena eman behar da bilbaokultura.eus webgunean (Edukiera murriztuta dago).
-
-
BLV-ART-eko informazio gehiago eskuragarri hemen
-
SARE SOZIALAK:
BILBAO UDALA: YOUTUBE | FACEBOOK | TWITTER | INSTAGRAM