Emakume bat eroetxe bateko gela batean dago bakarrik, aulki batean eserita eta kamaraz inguratuta, ikusten ez dugun doktore batekin hizketan. Emakumea prostituta da, eta elkarrizketan bere istorioa azalduko du, eta horrela, hainbat gai azaleratuko dira, esate baterako, sexualitatea, bortizkeria, klasismoa eta feminismoa.

Antzezle-sortzaile eta hezitzailea. Bogotako Teatro Libre Eskolan graduatu zen. Goiz hasi zen antzerki irakaskuntzan. Kolonbiako unibertsitate entzutetsu bat baino gehiagotan lan egin du irakasle gisa eta hainbat muntaia profesionaletan aritu izan da aktore gisa. Besteak beste, Workcenter Grotowski eta Thomas Richards taldeekin jarraitu du bere trebakuntza, Bartzelonan eta Italian. Gorputz eta ahots formazioak ematen ditu. Artedrama eta Huts Teatro plataforma eszenikoaren eskutik abiatu izan da. Gaur egun “Behi Jasa” eta “Boga-Boga Produkzioak” konpainiekin lanean dabil.

• Oinarrizko testua: Franca Rame, Darío Fo
• Zuzendaritza: Ainara Gurrutxaga
• Itzulpena: Xabi Martínez de Lezea
• Antzezlea: Laura Penagos
• Eszenografia eta teknika: Elías Martínez de Lezea
• Argazkiak: Iñaki Aldatz
• Ekoizpena: Garaion Sorgingunea, Manvcodiata antzez-sorkuntza