BILBOKO UDALAK ARTE ESZENIKOEN OINARRIZKO KUDEAKETARI BURUZKO IKASTAROA ANTOLATU DU ARTISTA ETA KONPAINIENTZAT

  • Ikastaroaren helburua parte-hartzaileari proiektu eszenikoen administrazioari eta legezkotasunari buruzko oinarrizko ezagutzak ematea da, eguneroko jarduera ekonomikoa kaudimenarekin eta araudiak betez egin ahal izateko.
  • Izen-ematea zabalik dago eta ikastaroa ekainaren 8an, 15ean, 21ean eta 29an egingo da La Bolsa Udaltegian. Prezioa 60€-koa da, 50€-koa Bilbaoeszena, ADDE eta Artekaleko bazkideentzat.
  • Formakuntza Jemima Canok emango du, eta diziplina eszeniko desberdinetako artista eta konpainiei zuzenduta dago, beren lehen lanak sortzen ari direnei edo kulturan ekiteko apustua egiten ari direnei.

Bilboko Udalak arte eszenikoen oinarrizko kudeaketari buruzko ikastaroa jarriko du abian. Ikastaroaren helburua da parte-hartzaileei proiektu eszenikoen administrazioari eta legezkotasunari buruzko oinarrizko ezagutzak ematea, jarduera ekonomikoaren egunerokotasuna kaudimenez eta araudiak betez egin ahal izateko.

Izen-ematea maiatzaren 26ra arte zabalik dago. Inprimaki baten bidez egin beharko da, mezu elektroniko bat bidaliz cultura@bilbao.eus helbidera. Prezioa 60€koa da (50€koa Bilbaoeszena, ADDE eta Artekaleko bazkideentzat).

Ikastaroa ekainaren 8an, 15ean, 21ean eta 29an egingo da La Bolsa Udaltegian, 19:00etatik 20:30era, eta beren lehen lanak sortzen ari diren edo kulturan ekiteko apustua egiten ari diren diziplina eszeniko desberdinetako artista eta konpainiei zuzenduta dago.

Honetan, beren beregi landuko dira oinarrizko kontzeptu fiskalak (BEZa, atxikipenak, oinarrizko zergak), dokumentu-ereduak (faktura, ordainagiria, kontratua) eta beharrezko tresna teknologikoak (egoitza elektronikoa, oinarrizko Excel). Gainera, ekoizpen eszenikoetarako aurrekontu egokiak eta osoak egiteko metodoak partekatuko dira. Saioak gaztelaniaz emango dira, tonu hurbilean eta argian, kudeaketaren munduan esperientziarik ez duten pertsonei oinarrizko kontzeptuak transmititzeko.

Ikastaro hau emango duen hezitzailea Jemima Cano izango da, kultura-ekoizlea eta ekintzailea. Oso gaztetatik egin ditu bere kultur proposamenak. Antzerkia, dantza, bideoa, musika, jaialdiak eta enpresako ekitaldiak ekoitzi ditu, eta diziplina guztietako artistei eta kultura-erakundeei eman die aholkularitza kudeaketa, nazioarteko dimentsio eta publikoen garapenarekin lotutako hainbat gairi buruz.

AURKIBIDE TEMATIKOA, SAIOEN ARABERA:

1. saioa: Konpainien profesionalizazioa

-cachea: aurrekontua egiteko oinarrizko kontzeptuak

-Zelan irakurri jarduketa-kontratu bat, funtsezko klausulak eta arriskuen prebentzioa

2. saioa: Eguneroko kudeaketa 

-fakturazioa: faktura zuzena, zerga-oinarria, BEZa, atxikipenak.

-fiskalitatea: harremana ogasunarekin A-tik Z-ra

-gizarte-segurantzaren eta kontratuen kontzeptu argiak

3. saioa: Zelan baloratzen dut nire lana deialdietarako? Adibideak eta egoitzak

-deialdietarako aurrekontuak

-egoitza elektronikoak eta faktura elektronikoak

4. saioa: Emanaldi bakoitzaren birak, emanaldiak errepikatzea eta optimizatzea

-proiektu edo talde eszeniko baten eguneroko kudeaketarako aholku praktikoak

-emanaldien aurreprodukzioa

-ekoizteko eta komunikatzeko lan-tresna nagusiak

-jasangarritasuna, irisgarritasuna eta ikus-entzuleak

SARE SOZIALAK:

www.bilbaokultura.eus

INSTALACIÓN FOTOGRÁFICA “ESTO ES UN CUERPO”

Esto es un cuerpo proiektu artistiko bat da, liburu-bilduma batean gauzatzen dena, eta arreta berezia eskaintzen dio mundu honetan argazkigintzaren eta literaturaren bidez bizitzearen esperientziari. Liburu bakoitza gorputzaren zati bati eskainita dago. Hala, zenbaki bakoitzarekin gorputz guztia osatzen da, eta gorputz kolektibo bat sortzen da, papera gainditu eta komunitate, ekintza eta hausnarketa kolektibo bihurtzen dena. Gorputza zatitzeak, atal bakoitzean zooma egiteak, oharkabean pasatu ohi diren xehetasunei erreparatzeko aukera ematen digu, baita gorputzari buruz ustez dakiguna birpentsatzeko ere.

Esto es un cuerpo lanak hedapen-, pentsamendu- eta sorkuntza-kanal bat irekitzen du gorputzaren materialtasunetik, modu kolektiboan hausnartzeko eta jarduteko; gorputza elkarrizketaren erdigunean jartzen du aro teknologiko honetan, non gure gorputzak pantaila hutsa baino ez diren, ekoizten badute soilik balioa duteneko mundu batean.

Argazkiak eta testua uztartzetik abiatzen gara, amaiezina den eremu batean, hau da, artearen eremuan, adierazpen-modu berriak esploratzeko asmoz; artistak eta publikoa kultura bisual bat sustatzera eta barneratzera gonbidatzen ditugu, irudimena eta gogoeta kritikoa sustatzeko gune plural eta ireki gisa.

Erakusketa honen arabera, irudia pentsamenduaren sortzaile eta hausnarketa kritikoaren bultzatzaile da, baina inoiz ez modu isolatuan. Hala erakusten dute zubiaren alde batean eta bestean lurrean jarritako zortzi QR kodeek; argazki bakoitzaren informazioa zabaltzen dute kontatutako istorioen eta literatura-sorkuntzen bidez. Halaber, ekintza kolektibo bat da, gure gorputz indibidualen hauskortasuna agerian uzten duena eta haien kolektibitatean eta komunitatean datzan indarra ospatzen duena. Zalantzarik gabe, elkarrekin hobeak gara. Gainerako pertsonek eta gertatzen zaizkigun gauzek gugan eragiten dutenean, eraldatu egiten gara. Gehiegi zigortutako gorputzen pisutik askatu nahi dugu geure burua. Izan ere, geure burua azaltzea geure burua erreibindikatzea ere bada.

Ainhoa Resano artista komisario duen “Esto es un cuerpo” erakusketa Ana Jarque, Carol Caicedo, Carlota Visier eta Laura C. Velaren ideia original bat da, Comisura argitaletxeak argitaratuta.

Erakusketa honetako argazkiak Laura C. Velak eta Malu Reigal-ek egin dituzte.

"*" indicates required fields

Proyectos de artistas individuales*
DD slash MM slash YYYY


Documentos que se tiene que adjuntar:
  • PDF del proyecto.
  • Copia del DNI.
  • Declaración del responsable (Anexo I).
  • Declaración del responsable (Anexo II).
  • Autorización (Anexo III).
Tipos de archivos aceptados: pdf, doc, docx, Tamaño máximo de archivo: 10 MB.
Accepted file types: pdf, doc, docx, Max. file size: 10 MB.
Accepted file types: pdf, doc, docx, Max. file size: 10 MB.
Accepted file types: pdf, doc, docx, Max. file size: 10 MB.
Accepted file types: pdf, doc, docx, Max. file size: 10 MB.
Accepted file types: pdf, doc, docx, Max. file size: 10 MB.

    OSTEGUNA, URRIAK 17

    Sin eventos

    OSTIRALA, URRIAK 18

    Sin eventos

    LARUNBATA, URRIAK 19

    Sin eventos

    IGANDEA, URRIAK 20

    Sin eventos

    ASTELEHENA, URRIAK 21

    No items found

    ASTEARTEA, URRIAK 22

    No items found

    ASTEAZKENA, URRIAK 23

    Sin eventos

    OSTEGUNA, URRIAK 24

    Sin eventos

    OSTIRALA, URRIAK 25

    No items found

    LARUNBATA, URRIAK 26

    Sin eventos

    IGANDEA, URRIAK 27

    Sin eventos

Copyright © 2024 BAD BILBAO

B.A.D Bilbao Antzerkia Dantza - Festival de Teatro actual y Danza Contemporánea de Bilbao