- Barbara Sánchez, eszena-zuzendaria, koreografoa, dantzaria eta aktorea; Paula Gironi, “Incierta Incertidumbre” sorkuntza eszenikoko kolektiboko kidea; eta Libe Estebaranz, La Higuera Teatrokoa izan dira La Fundición Aretoan.
- Hainbat gai jorratu dituzte artistek, hala nola proiektuen lidergoa edo eredu eta autoritate maskulinoaren botereak emakume sortzaile garaikideengan duen eragina. Gainera, beren sorkuntzetan eta proiektuetan duten begiradari eta perspektibari buruzko ideiak partekatu eta hausnartu dituzte.
- BAD Jaialdiak abangoardiako eszenaz beteko ditu Bilbo urriaren 22ra arte, igandea.
(Bilbo, 2023ko urriaren 16an).- Bilboko Udalak, BAD – Bilboko Antzerki eta Dantza Garaikidearen Jaialdiaren barruan, gaur goizean La Fundición Aretoan, XXV. edizioan parte hartu duten emakume sortzaileak bildu ditu.
Horrela, BADen parte hartzen duten artisten ordezkari gisa, topaketa honetan izan dira Barbara Sánchez, eszena zuzendaria, koreografoa, dantzaria eta aktorea; Paula Gironi, “Incierta Incertidumbre” sorkuntza eszenikoko kolektiboko kidea; eta Libe Estebaranz, La Higuera Teatrokoa. Horiekin batera Alicia Otxandategui BADeko zuzendaria izan da ere.
Sorkuntza garaikidea elkarrizketaren erdigunean jarrita, topaketa honetan parte hartu dutenek hainbat gai jorratu dituzte, hala nola gaur egun emakumeek kulturan duten egoera, emakume sortzaileen proiektuen lidergoa edo eredu eta autoritate maskulinoaren botereak egungo eszenan duen eragina. Gainera, beren sorkuntzetan eta proiektuetan duten begiradari eta perspektibari buruzko ideiak partekatu eta hausnartu dituzte.
BAD jaialdi dekanoa da Urian, eta bere konpromiso nagusietako bat mantentzen du: tokiko eta gorabideko talentuaren aldeko apustua eta emakume sortzaile eta artistei laguntzea.
Topaketa honetan parte hartu duten artistek proposamen hauekin hartzen dute parte jaialdian:
- Bárbara Sánchez (Andaluzia) “Morta Splendor” urriaren 14an estreinatu zuen Harrobian (Estreinaldia Euskadin)
- La Higuerak (Euskadi) “Nire usaina galdu nuen eguna” estreinatu zuen urriaren 14an La Fundicionen (Erabateko Estrenaldia)
- Paula Gironi (Euskadi) Harrobian aurkeztuko du bihar arratsaldeko 19:00etan “Embo(r)rak”, (Bilbaoeszenako 2023ko Artistak Egoitzan Beka)
BAD urriaren 22ra arte luzatuko da. Jaialdiari buruzko informazio guztia www.badbilbao.eus webgunean dago eskuragarri, eta Zinemaldiko materialak esteka honetan kontsulta daitezke.
SARE SOZIALAK:
- BILBAO UDALA: YOUTUBE | FACEBOOK | TWITTER | INSTAGRAM
- BILBAO KULTURA: YOUTUBE | FACEBOOK | TWITTER | INSTAGRAM
- BAD: FACEBOOK
badbilbao.eus www.bilbaokultura.eus #BAD2023