Topaketa profesionalak

SAN FRANTSIZKO UDALTEGIA

OSTIRALA 16 12:00-13:30

ZER DA eLEARNING? KALITATEZKO PRESTAKUNTZA
DIGITALEKO PROIEKTU BAT ABIARAZTEA

Datorren urriaren 16an, 12:00etan, Floriana Schiavone eta Catalina Arciniegas (Madril) izango ditugu, eLEARNINGa zer den eta gure eskura dauden konponbideak eta plataformak zein diren azalduko digute, bai eta kontuan hartu beharreko guztia ere kalitatezko prestakuntza digitaleko proiektu bat abiarazi nahi badugu.

COVID19aren krisiak interes handia sortu du urrutiko prestakuntzarako, baina eraldaketa digitala egituratu eta planifikatu egin behar da. ModMo-n eLearning-ean adituak dira eta online ikastaroak diseinatzen dituzte, instrukzio-diseinuaren printzipioetan oinarrituta. Saio honetan, haien erabilera, aplikazio eta jardunbide egokietan murgilduko gaituzte, teknologia hori gure kultura-erakundearentzat nola erabil dezakegun ulertzeko gai izan gaitezen.

Catalina Psikologian lizentziaduna da, eta eskarmentua du artean oinarritutako hezkuntza-proiektuetan. Bi urtez, Txinako haurrentzako lineako arte-ikastaroak koordinatu zituen, nazioarteko artistekin konektatuz.

Florianak Komunikazioan gradua du eta azken bost urteetan enpresa pribatuetan eta sektore publikoan marketin digitaleko proiektuak kudeatzen jardun du. Ekainaz geroztik, Pyrenartek 2020ko udazkenean kaleratuko duen “Nola ekoitzi eta banatu nazioartean” MOOCeko taldeko kide dira.
Izena ematea: badbilbao@bilbao.eus (DOAN) Epea: urriak 14

LARUNBATA 17 10:00-13:30/15:00-18:00

EDADE 2. ONLINE – DANTZA, ARTE DRAMATIKO, HEZIKETA ETA IKERKETAKO I. TOPAKETA

2020ko urriaren 19an Dantza, Arte Dramatiko, Heziketa eta Ikerketako 2. Topaketa ospatuko da, BAD jaialdiaren barruan. Arte Eszenikoetako zenbait aditu jardungo dira beren ikerketa teoriko, aplikatu eta performatiboak eztabaidatu eta aurkezteko.

1. mahaia
DANTZA ETA ARTE DRAMATIKOA HEZKUNTZA-TRESNA GISA

10:00etatik 13:30etara (ATSEDENALDIA 11:15 – 11:45)

Dantzaren eta antzerkiaren presentzia araubide orokorreko irakaskuntzetan.
Dantzan eta arte dramatikoan hezkuntza proiektuak
Ikerketa, arte dramatikoa eta dantza-sareak

2. mahaia
SORKUNTZA ESZENIKOA

15:00etatik 18:00etara (ATSEDENALDIA 17:00 – 17:15)

Ikerketako eta koreografia-sorkuntzako laborategiak

TOPAKETAREN ITXIERA 
Dantzako eta arte dramatikoko gradu amaierako lan (GAL) eta ikasketa amaierako lanen (IAL) aurkezpena

SARRERA LIBREA
TOPAKETARAKO ONLINE SARRERA ADDEREN WEBGUNEAREN BITARTEZ HTTP://ADDEDANTZA.ORG/EU

Antolatzailea: ADDE Hezkuntza Batzordea, Euskal Herriko Dantza Profesionalen Elkartea (Eneko Balerdi, Aiala Echegaray eta Alicia Gómez Linares)

Laguntzaileak: BAD jaialdia, Dantzerti, D + I Dantza eta Ikerketako Elkartea
Informazio gehiago: info@addedantza.org

Copyright © 2024 BAD BILBAO

B.A.D Bilbao Antzerkia Dantza - Festival de Teatro actual y Danza Contemporánea de Bilbao

HAUTATUTAKO PROIEKTUAK

IKERKETA ESZENIKOKO LAU PROIEKTUK LORTU DITUZTE UDALAREN "ARTISTAK EGOITZAN" PROGRAMAKO BEKAK

  • Hautatutako proposamenek – 28 guztira – instalazioak, baliabide teknikoak eta aholkularitza artistikoa izango dituzte beren proiektuak prestatzeko, eta horietakoren bat Bilboko Antzerki eta Dantza Garaikidearen Jaialdiaren – BAD – hurrengo edizioan aurkeztuko da.
  • "Artistas en Residencia" hirian sorkuntza eszenikoa sustatzea bilatzen duen Udalaren ekimen bat da, artista eta ikertzaileei baliabide ekonomikoak, baliabide teknikoak eta laguntza profesionala emanez.

(Bilbon, 2024ko ekainaren 24an) .- Bilboko Udalak, BilbaoEszenako Baliabide Eszenikoen Zentroaren bitartez, “Artistak Egoitzan” sorkuntza eszenikoari laguntzeko programaren edizio berrian hautatutako lau proiektuak jakinarazi ditu. Lau proposamen dira eta dramaturgia berrien eta dantza garaikidearen barruan kokatzen dira.

Programak 28 eskaera jaso ditu, gehienak diziplina performatiboetan eta dramaturgia eszeniko berrietan oinarrituak. Horietatik, proposamenak hautatzeaz arduratzen den batzordeak – Udaleko Kultura Saileko teknikariek osatzen dute, adituen aholkularitzarekin – Eva Guerrero Konpainiak eta Doos Kolektiboak aurkeztutakoak aukeratu ditu, “El último baile” dantza garaikideko proiektua garatzeko; Las Nenasen (Ane Sagües Abad eta Cristina Tomás Olaya) “Torcidxs” antzerki-proiektu performatikoa; Katastrofen Teatroaren “Hezetasun erlatiboa” euskarazko lana; eta “Entre mi cuerpo y yo. Llorona llévame al río” dantza garaikideko lana.

Artistek uztaila eta urria bitartean egingo dituzte egoitzak. Lehenengo bi proposamenek 2.000 euroko laguntza jasoko dute, hasierako fasean dauden proiektuak direlako, eta beste biei, garapen-fasean daudenez, 4.000 euroko laguntza emango zaie. Proposamen bakoitzak espazio bat eta BilbaoEszenaren laguntza teknikoa ere izango ditu bere proiektua garatu ahal izateko.

Garapen fasean dauden bi proposamenek, “Hezetasun erlatiboa” eta “Entre mi cuerpo y yo. Llorona llévame al río”, sormen prozesua publikoaren aurrean estreinatzeko aukera izango dute – orokorra eta/edo sektoreko profesionalak –, BAD Bilboko Antzerki eta Dantza Garaikidearen Jaialdiaren hurrengo edizioan, urriaren 17tik azaroaren 27ra bitartean.

HASIERAKO FASEAN DAUDEN PROIEKTUAK

“El último baile” Eva Guerreroren proiektu berria da, egoitza honetan egindako ikerketa batekin hasten den prozesua. Testuak eta zuzeneko musika izango dituen dantza garaikideko ikuskizuna izango da, 2024ko uztailean adineko pertsonei egindako elkarrizketa ugarien zatiekin eginak. Eva Guerreroren dantza garaikideko ikuskizunak eta beste proiektu batzuk ekoizten dituen Bilboko DOOS talde artistikoaren bidez garatuko da.

“Torcidxs” antzezlan eta performatikako tresna da, umorez egina, eta Z Belaunaldiaren hizkuntza postironikoa erabiltzen du eta indarkeria estetikoko egoerak antzezten ditu. Ane Sagües Abad eta Cristina Tomás Olaya sortzaile eta interpretatzaile dituen Las Nenas antzerki-proiektu performatikoak proposatua, piezaren soinu-espazioa ikertzea du helburu. Soinuaren eta ahotsaren distortsio-tresnak erabiliz, esperientzia estetikoa areagotu nahi dute, gorputzaren eta ahotsaren arteko disoziazioa aztertuz.

GARAPEN FASEAN DAUDEN PROIEKTUAK

“Hezetasun erlatiboa” euskarazko lana da eta BAD jaialdiaren hurrengo edizioan estreinatuko da. Komedia garaikideko antzerkia da, adoreari, adiskidetasunari eta entrenatu ezin diren gauzei buruzkoa, munduko kirolik zailenari buruzkoa. Katastrofen Teatroaren lan berria da, Leire Olaranek eta Jone Garciak osatutako konpainia.

“Entre mi cuerpo yo. Llorona llévame al río” dantza garaikideko pieza bat da, zuzeneko musikarekin. Olaia Valle Lópezek sortu zuen, Ana Laguna kontserbatorio profesionalean dantza garaikidea ikasi eta hainbat sormen proiektu eta konpainiarekin elkarlanean aritutakoa. Azken urteotan, interprete-lana eta sorkuntza propioak uztartu ditu. Pieza BAD Jaialdiaren hurrengo edizioan estreinatuko da.

INSTALACIÓN FOTOGRÁFICA “ESTO ES UN CUERPO”

Esto es un cuerpo proiektu artistiko bat da, liburu-bilduma batean gauzatzen dena, eta arreta berezia eskaintzen dio mundu honetan argazkigintzaren eta literaturaren bidez bizitzearen esperientziari. Liburu bakoitza gorputzaren zati bati eskainita dago. Hala, zenbaki bakoitzarekin gorputz guztia osatzen da, eta gorputz kolektibo bat sortzen da, papera gainditu eta komunitate, ekintza eta hausnarketa kolektibo bihurtzen dena. Gorputza zatitzeak, atal bakoitzean zooma egiteak, oharkabean pasatu ohi diren xehetasunei erreparatzeko aukera ematen digu, baita gorputzari buruz ustez dakiguna birpentsatzeko ere.

Esto es un cuerpo lanak hedapen-, pentsamendu- eta sorkuntza-kanal bat irekitzen du gorputzaren materialtasunetik, modu kolektiboan hausnartzeko eta jarduteko; gorputza elkarrizketaren erdigunean jartzen du aro teknologiko honetan, non gure gorputzak pantaila hutsa baino ez diren, ekoizten badute soilik balioa duteneko mundu batean.

Argazkiak eta testua uztartzetik abiatzen gara, amaiezina den eremu batean, hau da, artearen eremuan, adierazpen-modu berriak esploratzeko asmoz; artistak eta publikoa kultura bisual bat sustatzera eta barneratzera gonbidatzen ditugu, irudimena eta gogoeta kritikoa sustatzeko gune plural eta ireki gisa.

Erakusketa honen arabera, irudia pentsamenduaren sortzaile eta hausnarketa kritikoaren bultzatzaile da, baina inoiz ez modu isolatuan. Hala erakusten dute zubiaren alde batean eta bestean lurrean jarritako zortzi QR kodeek; argazki bakoitzaren informazioa zabaltzen dute kontatutako istorioen eta literatura-sorkuntzen bidez. Halaber, ekintza kolektibo bat da, gure gorputz indibidualen hauskortasuna agerian uzten duena eta haien kolektibitatean eta komunitatean datzan indarra ospatzen duena. Zalantzarik gabe, elkarrekin hobeak gara. Gainerako pertsonek eta gertatzen zaizkigun gauzek gugan eragiten dutenean, eraldatu egiten gara. Gehiegi zigortutako gorputzen pisutik askatu nahi dugu geure burua. Izan ere, geure burua azaltzea geure burua erreibindikatzea ere bada.

Ainhoa Resano artista komisario duen “Esto es un cuerpo” erakusketa Ana Jarque, Carol Caicedo, Carlota Visier eta Laura C. Velaren ideia original bat da, Comisura argitaletxeak argitaratuta.

Erakusketa honetako argazkiak Laura C. Velak eta Malu Reigal-ek egin dituzte.